先前在一個見山的活動，遇到序言的Daniel。
他走過來，第一句講嘅係：「Hello 我係序言個Daniel啊。」
我答：「係咪痴線，點會唔認得你。」
讀大學時已同Daniel一齊上過堂，算是序言早期會員，並在《十年一隅：序言書室十年記念集》寫過文（題為〈書店與書〉），寫的就是在序言參加過的讀書組和認識到的朋友，才會有之後的「康德讀書組」。雖則跟Daniel也真有一段日子冇見。
但當他叫我不如在序言辦個book talk，不多想就應承了，先想起從未在序言講過talk。
我估他原意是想我講《一道門》。一直不知怎講自己的書，單講《一道門》意義也似乎不大，還是等人自己看比較好。但如果可靠講其他書，折射些連自己平時也未必為意的想法，好似更有趣。先前在ACO和見山講過James Joyce，序言就講Orwell，尤其散文較少人講，近日又開了那麼多書店，便訂了這題目：〈我喜歡的散文——George Orwell筆下的書店與書評人〉。
我唔鍾意zoom，好彩有少量現場聽眾（名額已滿），會講得開心啲，大約會當小型文學班，到時會在序言的fb live睇到，應該會留底。
Joyce與Orwell我在不同場合都講過，深信只要自己唔覺悶，人地都未必覺得悶。也當練習如何在重複中變化。順著這想法去，七月還會在集成的七份一、一拳等地方講不同作家。
前日同W講笑，這兩個月「出現」嘅程度已遠遠超越人生頭四十年總和，唔知會否有人懷疑我有咗絕症。放心，暫時冇，只係試下盡力啲：）
Book Talk 錄影重溫 :
https://www.facebook.com/hkreaders/videos/1100164283906567/
筆記：
No comments:
Post a Comment