同區華欣喺《星期日明報》合作漫畫連載《咩世界》畫咗八年，上周日剛剛結束，就喺廢紙堆中搵返呢幅嘢。
仲記得最初構思要合作漫畫嘅cafe在中環太子臺，之前經過已執笠。呢幅圖，應該係早期諗character時我亂畫嘅，好早就決定故事內嘅細路要隨年月長大，咁先夠恐怖，由小學一路讀上去，曾諗過如一路畫落去，甚至大到出嚟社會做事，但隨住佢地愈嚟愈高，個格亦愈嚟愈唔夠位畫。
有時亦會用呢個風格畫吓story board。同華欣講笑，不如試吓搵期係調轉，佢文我圖，唔知會點，可惜最終冇發生。
有時四格、有時spread，有時得啲有時唔得，邊做邊學應該係點做。得啲個期我通常會話因idea係我諗嘅，華欣就反對話佢點點點畫先至會得。唔得啲嘅個期就大家都唔多提。八年前有感個世界好多問題，就叫《咩世界》(後來先知Twins有首《咩世界》），今日咩世界就更咩咩咩，咩～（一隻羊經過）。
有日收見山Sharon短訊： “Ki, 800 copies almost all gone.” 《一道門》六月二日印好，賣書速度是意想不到。
很為這道門開心，比之前的書行得快、行得遠，當然這也是積風的結果 — —有次序言book talk後，有朋友是從背囊取出我的五本書給我簽名。那本《積風集》已極黄，他說一路有看我寫的東西。
另一次賣舊書交收，那位做醫護又（本來寫「但」，想想卻覺得不對）熱衷古籍的年青人，則說之前才找回《積風二集》，並因我在文中推介余嘉錫《世說新語箋疏》，找來看，覺得大有得益。遇到這些場景，總覺得滿足。
暫時有兩個feedback特別有意思：
一. 有天收到很久沒見的舊同事K訊息，並影低了《一道門》一頁傳我，說買了書，發現自己在文中出現，「就像你的親戚在新年提及你專欄一樣...幾搞笑！」。他影那頁是我寫教書挫敗回憶，有位教美術的同事卻日日無聊問人：「信唔信我畀啲顏色你睇」然後就從tote bag中拿出一盒塑膠彩，再自己笑。據講事隔多年，他仍然經常講這個笑。
二. Y是我很敬重的朋友，一直低調為牆內人寫信、選書、買書、入書、奔走。Y有天傳我電郵，attach了牆內朋友一封信的其中幾段，是讀了我在《星期日明報》訪問裡提及「時差」的感想，說一下打中了她，想通了少許，然後全段抄下我在自序寫Paul Ricouer「雙重日蝕」那段話——訪問稿全段引錄了下來，她在報上看見，又抄一遍在信上，再經電郵回到我的眼前，很神奇，也彷彿呼應那種時差與曲折。
因出版《一道門》，自己也打開了一些門。這個多月分別在ACO、見山、序言、七份一、一拳、渡日做過活動（但冇一次係講《一道門》，哈），有些討論很有趣 —— 如上周日在渡日講起才發現，我一直覺得寫東西是諸多媒介中最容易、門檻最低的，竟也有不少朋友反對。在一眾獨立書店做這些活動，說得老土點，有種守望相助、共同前進的感覺。
做書不是一個人的事，感謝見山和曾為《一道門》落力及寫序的幾位，也感謝各位讀者支持。今周六，下午五點，我會在見山簽簽書，路過可來閒聊兩句。
圖：上月某天，樓下見到
